Tamil   Hindi/Sanskrit   Telugu   Malayalam   Bengali   Kannada   English   ITRANS   Gujarathi   Oriya   Singala   Tibetian   Thai   Urdu   Cyrillic/Russian  

Selected prabandham      prabandham Thalangal      All prabandham Songs     

முதல் எழுத்து :                                      

பாடல் எந்தச் சொல் Order By:
Divya Prabandham songs                                                  
Aayiram Aazhvaar Prabandham Thalam Song # from Song # to
முதலாயிரம் பெரியாழ்வார் திருப்பல்லாண்டு திருவில்லிபுத்தூர் ஆண்டாள் கோவில் 1 12
முதலாயிரம் பெரியாழ்வார் திருமொழி 13 473
முதலாயிரம் ஆண்டாள் திருப்பாவை திருவில்லிபுத்தூர் ஆண்டாள் கோவில் 474 503
முதலாயிரம் ஆண்டாள் நாச்சியார் திருமொழி 504 646
முதலாயிரம் குலசேகர ஆழ்வார் பெருமாள் திருமொழி 647 751
முதலாயிரம் திருமழிசையாழ்வார் திருச்சந்தவிருத்தம் திருமழிசை 752 871
முதலாயிரம் தொண்டரடிப்பொடியாழ்வார் திருமாலை 872 916
முதலாயிரம் தொண்டரடிப்பொடியாழ்வார் திருப்பள்ளி எழுச்சி 917 926
முதலாயிரம் திருப்பாணாழ்வார் அமலனாதிபிரான் உறையூர் 927 936
முதலாயிரம் மதுரகவியாழ்வார் கண்ணிநுண்சிறுத்தாம்பு 937 947
இரண்டாவதாயிரம் திருமங்கையாழ்வார் பெரிய திருமொழி 948 2031
இரண்டாவதாயிரம் திருமங்கையாழ்வார் திருக்குறுந்தாண்டகம் 2032 2051
இரண்டாவதாயிரம் திருமங்கையாழ்வார் திருநெடுந்தாண்டகம் 2052 2081
மூன்றாவதாயிரம் பொய்கையாழ்வார் முதல் திருவந்தாதி காஞ்சிபுரம் 2082 2181
மூன்றாவதாயிரம் பூதத்தாழ்வார் இரண்டாம் திருவந்தாதி மாமல்லபுரம் 2182 2281
மூன்றாவதாயிரம் பேயாழ்வார் மூன்றாம் திருவந்தாதி மயிலாப்பூர் 2282 2381
மூன்றாவதாயிரம் திருமழிசை ஆழ்வார் நான்முகன் திருவந்தாதி 2382 2477
மூன்றாவதாயிரம் நம்மாழ்வார் திருவிருத்தம் ஆழ்வார்திருநகரி 2478 2577
மூன்றாவதாயிரம் நம்மாழ்வார் திருவாசிரியம் 2578 2584
மூன்றாவதாயிரம் நம்மாழ்வார் பெரிய திருவந்தாதி 2585 2671
மூன்றாவதாயிரம் திருமங்கை ஆழ்வார் திருஎழுகூற்றிருக்கை 2672 2672
மூன்றாவதாயிரம் திருமங்கை ஆழ்வார் சிறிய திருமடல் 2673 2712
மூன்றாவதாயிரம் திருமங்கை ஆழ்வார் பெரிய திருமடல் 2713 2790
மூன்றாவதாயிரம் திருவரங்கத்தமுதனார் இராமானுச நூற்றந்தாதி 2791 2898
நான்காவதாயிரம் நம்மாழ்வார் திருவாய்மொழி 2899 4000

Pages:    1    2  3  4  5  6  7  8  9  10  Next  Next 10
0.1   -பாசுரம்   பாடல் # 0      

வேதாந்த தேசிகன் தனியன் (1268–1370)
(ப்ரஹ்மதந்த்ர ஸ்வதந்த்ர ஜீயர் அருளிச்செய்த்து)
வடகலை ஸம்ப்ரதாயம்
ராமாநுஜ தயாபாத்ரம் ஜ்ஞான வைராக்ய பூஷனம்
ஸ்ரீமத் வேங்கடநாதார்யம் வந்தே வேதாந்த தேசிகம்

0.2   -பாசுரம்   பாடல் # 0      

(அழகிய மணவாளன் அருளிச்செய்த்து)
தென்கலை ஸம்ப்ரதாயம்
ஸ்ரீசைலேச தயாபாத்ரம் தீபக்த்யாதி குணார்ணவம்
யதீந்த்ர ப்ரவணம் வந்தே ரம்யஜாமாதரம் முநிம்

0.3   -பாசுரம்   பாடல் # 0      

குரு பரம்பைரதனியன்
(கூரத்தாழ்வான் அருளிச்செய்த்து)
லஷ்மீ நாத ஸமாரம்பாம் நாதயாமுந மத்யமாம்
அஸ்மதாசார்ய பர்யந்தாம் வந்தே குரு பரம்பராம்

0.4   -பாசுரம்   பாடல் # 0      

ஆழ்வார்கள் உடையவர்தனியன்
(ஸ்ரீபராசர பட்டர் அருளிச்செய்த்து)
பூதம் ஸரஸ்ச மஹதாஹ்வய பட்ட நாத
ஸ்ரீபக்திஸார குலேசகர யோகிவாஹாந்
பக்தாங்க்ரிரேணு பரகால யதீந்த்ரமிஸ்ராந்
ஸ்ரீமத் பராங்குஸநிம் ப்ரணேதாஸ்மி நித்யம்

0.5   -பாசுரம்   பாடல் # 0      

நம்மாழ்வார்தனியன்
(ஆளவந்தார் அருளிச்செய்த்து)
மாதா பிதா யுவதயஸ் தநயா விபூதி:
ஸர்வம் யதேவ நியேமந மதந்வயாநாம்
ஆத்யஸ்ய ந: குலபேதர் வகுளாபிராமம்
ஸ்ரீமத் ததங்க்ரி யுகளம் ப்ரணமாமி மூர்த்நா

0.6   -பாசுரம்   பாடல் # 0      

எம்பெருமானார்தனியன்
(கூரத்தாழ்வான் அருளிச்செய்த்து)
யோ நித்யம் அச்யுத பதாம்புஜ யுக்மருக்ம
வ்யாமோஹதஸ் ததிதராணி த்ருணாய மேநே
அஸ்மத் குரோர் பகவதோஸ்ய தயைகஸிந்தோ
ராமாநுஜஸ்ய சரெணள ஸரணம் ப்ரபத்யே

1.0   திருப்பல்லாண்டு -பாசுரம்   பாடல் # 1   பெரியாழ்வார்   திருப்பல்லாண்டு  

பல்லாண்டுபல்லாண்டு பல்லாயிரத்தாண்டு |
பலகோடிநூறாயிரம் 
மல்லாண்டதிண்தோள்மணிவண்ணா. உன் 
செவ்வடிசெவ்விதிருக்காப்பு.

1.1   திருப்பல்லாண்டு -பாசுரம்   பாடல் # 0   பெரியாழ்வார்   திருப்பல்லாண்டு  

நாதமுனிகள் அருளிச் செய்தது 
குருமுக மனதீத்ய ப்ராக வேதானசேஷான் 
நரபதிபரிக்லுப்தம் சூல்கமாதாதுகாமக
ச்வசுரமமரவந்த்யம் ரங்கனாதச்ய சாக்ஷாத் 
த்விஜகுலதிலகம் தம் விஷ்ணுசித்தம் நமாமி

1.2   திருப்பல்லாண்டு -பாசுரம்   பாடல் # 0   பெரியாழ்வார்   திருப்பல்லாண்டு  

பாண்டிய பட்டர் அருளிச் செய்தவை 
மின்னார்தடமதிள்சூழ் வில்லிபுத்தூரென்று ஒருகால் 
சொன்னார்கழற்கமலம்சூடினோம் - முன்னாள் 
கிழியறுத்தானென்றுரைத்தோம், கீழ்மையினிற்சேரும் 
வழியறுத்தோம் நெஞ்சமே. வந்து 

1.3   திருப்பல்லாண்டு -பாசுரம்   பாடல் # 0   பெரியாழ்வார்   திருப்பல்லாண்டு  

பாண்டியன்கொண்டாடப் பட்டர்பிரான்வந்தானென்று 
ஈண்டியசங்கமெடுத்தூத - வேண்டிய 
வேதங்களோதி விரைந்துகிழியறுத்தான் 
பாதங்கள்யாமுடையபற்று. 

2.0   திருப்பல்லாண்டு -பாசுரம்   பாடல் # 2   பெரியாழ்வார்   திருப்பல்லாண்டு  

அடியோமோடும்நின்னோடும் பிரிவின்றிஆயிரம்பல்லாண்டு |
வடிவாய்நின்வலமார்பினில் வாழ்கின்றமங்கையும்பல்லாண்டு | 
வடிவார்சோதிவலத்துறையும் சுடராழியும்பல்லாண்டு |
படைபோர்புக்குமுழங்கும் அப்பாஞ்சசன்னியமும்பல்லாண்டே.

3.0   திருப்பல்லாண்டு -பாசுரம்   பாடல் # 3   பெரியாழ்வார்   திருப்பல்லாண்டு  

வாழாட்பட்டுநின்றீருள்ளீரேல் வந்துமண்ணும்மணமும்கொண்மின் |
கூழாட்பட்டுநின்றீர்களை எங்கள்குழுவினில்புகுதலொட்டோம் |
ஏழாட்காலும்பழிப்பிலோம்நாங்கள் இராக்கதர்வாழ்இலங்கை |
பாழாளாகப்படைபொருதானுக்குப் பல்லாண்டுகூறுதமே. 

4.0   திருப்பல்லாண்டு -பாசுரம்   பாடல் # 4   பெரியாழ்வார்   திருப்பல்லாண்டு  

ஏடுநிலத்தில்இடுவதன்முன்னம்வந்து எங்கள்குழாம்புகுந்து |
கூடுமனமுடையீர்கள் வரம்பொழிவந்துஒல்லைக்கூடுமினோ | 
நாடும்நகரமும்நன்கறிய நமோநாராயணாயவென்று |
பாடுமனமுடைப்பத்தருள்ளீர். வந்துபல்லாண்டுகூறுமினே.

5.0   திருப்பல்லாண்டு -பாசுரம்   பாடல் # 5   பெரியாழ்வார்   திருப்பல்லாண்டு  

அண்டக்குலத்துக்கதிபதியாகி அசுரரிராக்கதரை |
இண்டைக்குலத்தைஎடுத்துக்களைந்த இருடீகேசன்தனக்கு |
தொண்டக்குலத்திலுள்ளீர். வந்தடிதொழுது ஆயிரநாமம்சொல்லி |
பண்டைக்குலத்தைத்தவிர்ந்து பல்லாண்டுபல்லாயிரத்தாண்டென்மினே.

6.0   திருப்பல்லாண்டு -பாசுரம்   பாடல் # 6   பெரியாழ்வார்   திருப்பல்லாண்டு  

எந்தைதந்தைதந்தைதந்தைதம்மூத்தப்பன் ஏழ்படிகால்தொடங்கி |
வந்துவழிவழிஆட்செய்கின்றோம் | திருவோணத்திருவிழவில் 
அந்தியம்போதிலரியுருவாகி அரியையழித்தவனை |
பந்தனைதீரப்பல்லாண்டு பல்லாயிரத்தாண்டென்றுபாடுதமே.

7.0   திருப்பல்லாண்டு -பாசுரம்   பாடல் # 7   பெரியாழ்வார்   திருப்பல்லாண்டு  

தீயிற்பொலிகின்றசெஞ்சுடராழி திகழ்திருச்சக்கரத்தின் |
கோயிற்பொறியாலேஒற்றுண்டுநின்று குடிகுடிஆட்செய்கின்றோம் |
மாயப்பொருபடைவாணனை ஆயிரந்தோளும்பொழிகுருதி 
பாய | சுழற்றியஆழிவல்லானுக்குப் பல்லாண்டுகூறுதுமே.

8.0   திருப்பல்லாண்டு -பாசுரம்   பாடல் # 8   பெரியாழ்வார்   திருப்பல்லாண்டு  

நெய்யிடைநல்லதோர்சோறும் நியதமும்அத்தாணிச்சேவகமும் |
கையடைக்காயும்கழுத்துக்குப்பூணொடு காதுக்குக்குண்டலமும் |
மெய்யிடநல்லதோர்சாந்தமும்தந்து என்னைவெள்ளுயிராக்கவல்ல |
பையுடைநாகப்பகைக்கொடியானுக்குப் பல்லாண்டுகூறுவனே.

9.0   திருப்பல்லாண்டு -பாசுரம்   பாடல் # 9   பெரியாழ்வார்   திருப்பல்லாண்டு  

உடுத்துக்களைந்த நின்பீதகவாடையுடுத்துக் கலத்ததுண்டு |
தொடுத்ததுழாய்மலர்சூடிக்களைந்தன சூடும்இத்தொண்டர்களோம் |
விடுத்ததிசைக்கருமம்திருத்தித் திருவோணத்திருவிழவில் |
படுத்தபைந்நாகணைப்பள்ளிகொண்டானுக்குப் பல்லாண்டுகூறுதுமே. 

10.0   திருப்பல்லாண்டு -பாசுரம்   பாடல் # 10   பெரியாழ்வார்   திருப்பல்லாண்டு  

எந்நாள்எம்பெருமான் உன்தனக்கடியோமென்றெழுத்துப்பட்ட 
அந்நாளே | அடியோங்களடிக்குடில் வீடுபெற்றுஉய்ந்ததுகாண் |
செந்நாள்தோற்றித் திருமதுரையுள்சிலைகுனித்து | ஐந்தலைய 
பைந்நாகத்தலைபாய்ந்தவனே. உன்னைப்பல்லாண்டுகூறுதுமே. 

11.0   திருப்பல்லாண்டு -பாசுரம்   பாடல் # 11   பெரியாழ்வார்   திருப்பல்லாண்டு  

அல்வழக்கொன்றுமில்லா அணிகோட்டியர்கோன் | அபிமானதுங்கன் 
செல்வனைப்போலத் திருமாலே. நானும்உனக்குப்பழவடியேன் |
நல்வகையால்நமோநாராயணாவென்று நாமம்பலபரவி |
பல்வகையாலும்பவித்திரனே. உன்னைப்பல்லாண்டுகூறுவனே.

12.0   திருப்பல்லாண்டு -பாசுரம்   பாடல் # 12   பெரியாழ்வார்   திருப்பல்லாண்டு  

பல்லாண்டென்றுபவித்திரனைப்பரமேட்டியை | சார்ங்கமென்னும் 
வில்லாண்டான்தன்னை வில்லிபுத்தூர்விட்டுசித்தன்விரும்பியசொல் |
நல்லாண்டென்றுநவின்றுரைப்பார் நமோநாராயணாயவென்று |
பல்லாண்டும்பரமாத்மனைச் சூழ்ந்திருந்தேத்துவர்பல்லாண்டே.

13.0   திருமொழி -பாசுரம்   பாடல் # 1   பெரியாழ்வார்   திருமொழி  

வண்ணமாடங்கள்சூழ் திருக்கோட்டியூர் |
கண்ணன்கேசவன் நம்பிபிறந்தினில் |
எண்ணெய்சுண்ணம் எதிரெதிர்தூவிட | 
கண்ணன்முற்றம் கலந்துஅளராயிற்றே.

14.0   திருமொழி -பாசுரம்   பாடல் # 2   பெரியாழ்வார்   திருமொழி  

ஓடுவார்விழுவார் உகந்தாலிப்பார் |
நாடுவார்நம்பிரான் எங்குத்தானென்பார் | 
பாடுவார்களும் பல்பறைகொட்டநின்று |
ஆடுவார்களும் ஆயிற்றுஆய்ப்பாடியே. 

15.0   திருமொழி -பாசுரம்   பாடல் # 3   பெரியாழ்வார்   திருமொழி  

பேணிச்சீருடைப் பிள்ளைபிறந்தினில் | 
காணத்தாம்புகுவார் புக்குப்போதுவார் |
ஆணொப்பார் இவன்நேரில்லைகாண் | திரு 
வோணத்தான் உலகாளுமென்பார்களே. 

16.0   திருமொழி -பாசுரம்   பாடல் # 4   பெரியாழ்வார்   திருமொழி  

உறியைமுற்றத்து உருட்டிநின்றாடுவார் |
நறுநெய்பால்தயிர் நன்றாகத்தூவுவார் |
செறிமென்கூந்தல் அவிழத்திளைத்து | எங்கும் 
அறிவழிந்தனர் ஆய்ப்பாடியாயரே.

17.0   திருமொழி -பாசுரம்   பாடல் # 5   பெரியாழ்வார்   திருமொழி  

கொண்டதாளுறி கோலக்கொடுமழு |
தண்டினர் பறியோலைச்சயனத்தர் |
விண்டமுல்லை யரும்பன்னபல்லினர் |
அண்டர்மிண்டிப்புகுந்து நெய்யாடினார். 

18.0   திருமொழி -பாசுரம்   பாடல் # 6   பெரியாழ்வார்   திருமொழி  

கையும்காலும்நிமிர்த்துக் கடாரநீர் |
பையவாட்டிப் பசுஞ்சிறுமஞ்சளால் | 
ஐயநாவழித்தாளுக்கு அங்காந்திட |
வையமேழும்கண்டாள் பிள்ளைவாயுளே. 

19.0   திருமொழி -பாசுரம்   பாடல் # 7   பெரியாழ்வார்   திருமொழி  

வாயுள்வையகம்கண்ட மடநல்லார் |
ஆயர்புத்திரனல்லன் அருந்தெய்வம் | 
பாயசீருடைப் பண்புடைப்பாலகன் |
மாயனென்று மகிழ்ந்தனர்மாதரே.

20.0   திருமொழி -பாசுரம்   பாடல் # 8   பெரியாழ்வார்   திருமொழி  

பத்துநாளும்கடந்த இரண்டாநாள் |
எத்திசையும் சயமரம்கோடித்து |
மத்தமாமலை தாங்கியமைந்தனை | 
உத்தானம்செய்து உகந்தனர்ஆயரே. 

21.0   திருமொழி -பாசுரம்   பாடல் # 9   பெரியாழ்வார்   திருமொழி  

கிடக்கில் தொட்டில்கிழியஉதைத்திடும் |
எடுத்துக்கொள்ளில் மருங்கையிறுத்திடும் |
ஒடுக்கிப்புல்கில் உதரத்தேபாய்ந்திடும் |
மிடுக்கிலாமையால் நான்மெலிந்தேன்நங்காய். 

22.0   திருமொழி -பாசுரம்   பாடல் # 10   பெரியாழ்வார்   திருமொழி  

செந்நெலார்வயல்சூழ் திருக்கோட்டியூர் |
மன்னுநாரணன் நம்பிபிறந்தமை |
மின்னுநூல் விட்டுசித்தன்விரித்த | இப் 
பன்னுபாடல்வல்லார்க்கு இல்லைபாவமே.  

23.0   திருமொழி -பாசுரம்   பாடல் # 1   பெரியாழ்வார்   திருமொழி  

சீதக்கடல் உள்ளமுதன்னதேவகி |
கோதைக்குழலாள் அசோதைக்குப்போத்தந்த |
பேதைக்குழவி பிடித்துச்சுவைத்துண்ணும் |
பாதக்கமலங்கள் காணீரே பவளவாயீர்! வந்துகாணீரே.  

24.0   திருமொழி -பாசுரம்   பாடல் # 2   பெரியாழ்வார்   திருமொழி  

முத்தும்மணியும் வயிரமும்நன்பொன்னும் |
தத்திப்பதித்துத் தலைப்பெய்தாற்போல் | எங்கும் 
பத்துவிரலும் மணிவண்ணன்பாதங்கள் |
ஒத்திட்டிருந்தவா காணீரே ஒண்ணுதலீர்! வந்துகாணீரே. 

25.0   திருமொழி -பாசுரம்   பாடல் # 3   பெரியாழ்வார்   திருமொழி  

பணைத்தோளிளவாய்ச்சி பால்பாய்ந்தகொங்கை |
அணைத்தாரஉண்டு கிடந்தஇப்பிள்ளை |
இணைக்காலில் வெள்ளித்தளை நின்றிலங்கும் |
கணைக்கால் இருந்தவாகாணீரே காரிகையீர்! வந்துகாணீரே. 

26.0   திருமொழி -பாசுரம்   பாடல் # 4   பெரியாழ்வார்   திருமொழி  

உழந்தாள்நறுநெய் ஓரோர்தடாவுண்ண |
இழந்தாளெரிவினாலீர்த்து எழில்மத்தின் | 
பழந்தாம்பாலோச்சப் பயத்தால்தவழ்ந்தான் |
முழந்தாள்இருந்தவாகாணீரே முகிழ்முலையீர்! வந்துகாணீரே. 

27.0   திருமொழி -பாசுரம்   பாடல் # 5   பெரியாழ்வார்   திருமொழி  

பிறங்கியபேய்ச்சி முலைசுவைத்துண்டிட்டு |
உறங்குவான்போலேகிடந்த இப்பிள்ளை |
மறங்கொளிரணியன் மார்பைமுன்கீண்டான் |
குறங்குகளைவந்து காணீரே குவிமுலையீர்! வந்துகாணீரே. 

28.0   திருமொழி -பாசுரம்   பாடல் # 6   பெரியாழ்வார்   திருமொழி  

மத்தக்களிற்று வசுதேவர்தம்முடை |
சித்தம்பிரியாத தேவகிதன்வயிற்றில் |
அத்தத்தின்பத்தாநாள் தோன்றியஅச்சுதன் |
முத்தமிருந்தவாகாணீரே முகிழ்நகையீர்! வந்துகாணீரே. 

29.0   திருமொழி -பாசுரம்   பாடல் # 7   பெரியாழ்வார்   திருமொழி  

இருங்கைமதகளிறு ஈர்க்கின்றவனை |
பருங்கிப் பறித்துக் கொண்டோடும் பரமன்தன் |
நெருங்குபவளமும் நேர்நாணும் முத்தும் |
மருங்கும் இருந்தவா காணீரே வாணுதலீர் வந்துகாணீரே. 

30.0   திருமொழி -பாசுரம்   பாடல் # 8   பெரியாழ்வார்   திருமொழி  

வந்தமதலைக்குழாத்தை வலிசெய்து |
தந்தக்களிறுபோல் தானேவிளையாடும் | 
நந்தன்மதலைக்கு நன்றுமழகிய |
உந்திஇருந்தவாகாணீரே ஒளியிழையீர்! வந்துகாணீரே. 

31.0   திருமொழி -பாசுரம்   பாடல் # 9   பெரியாழ்வார்   திருமொழி  

அதிரும்கடல்நிறவண்ணனை | ஆய்ச்சி 
மதுரமுலையூட்டி வஞ்சித்துவைத்த |
பதரப்படாமே பழந்தாம்பாலார்த்த |
உதரம்இருந்தவாகாணீரே ஒளிவளையீர்! வந்துகாணீரே. 

32.0   திருமொழி -பாசுரம்   பாடல் # 10   பெரியாழ்வார்   திருமொழி  

பெருமாவுரலில் பிணிப்புண்டிருந்து | அங்கு 
இருமாமருதம் இறுத்தஇப்பிள்ளை |
குருமாமணிப்பூண் குலாவித்திகழும் | 
திருமார்புஇருந்தவாகாணீரே சேயிழையீர்! வந்துகாணீரே. 

33.0   திருமொழி -பாசுரம்   பாடல் # 11   பெரியாழ்வார்   திருமொழி  

நாள்களோர்நாலைந்து திங்களளவிலே |
தாளைநிமிர்த்துச் சகடத்தைச்சாடிப்போய் |
வாள்கொள்வளையெயிற்று ஆருயிர்வவ்வினான் |
தோள்கள்இருந்தவாகாணீரே சுரிகுழலீர்! வந்துகாணீரே. 

34.0   திருமொழி -பாசுரம்   பாடல் # 12   பெரியாழ்வார்   திருமொழி  

மைத்தடங்கண்ணி யசோதைவளர்க்கின்ற |
செய்த்தலைநீலநிறத்துச் சிறுப்பிள்ளை |
நெய்த்தலைநேமியும் சங்கும்நிலாவிய |
கைத்தலங்கள் வந்துகாணீரே கனங்குழையீர்! வந்துகாணீரே. 

35.0   திருமொழி -பாசுரம்   பாடல் # 13   பெரியாழ்வார்   திருமொழி  

வண்டமர்பூங்குழல் ஆய்ச்சிமகனாகக் 
கொண்டு | வளர்க்கின்ற கோவலக்குட்டற்கு |
அண்டமும்நாடும் அடங்கவிழுங்கிய |
கண்டம்இருந்தவாகாணீரே காரிகையீர்! வந்துகாணீரே. 

36.0   திருமொழி -பாசுரம்   பாடல் # 14   பெரியாழ்வார்   திருமொழி  

எந்தொண்டைவாய்ச்சிங்கம் வாவென்றெடுத்துக் கொண்டு |
அந்தொண்டைவாயமுதாதரித்து | ஆய்ச்சியர் 
தம்தொண்டைவாயால் தருக்கிப்பருகும் | இச் 
செந்தொண்டைவாய்வந்துகாணீரே சேயிழையீர்! வந்துகாணீரே. 

37.0   திருமொழி -பாசுரம்   பாடல் # 15   பெரியாழ்வார்   திருமொழி  

நோக்கியசோதை நுணுக்கியமஞ்சளால் | 
நாக்குவழித்து நீராட்டும்இந்நம்பிக்கு |
வாக்கும்நயனமும் வாயும்முறுவலும் | 
மூக்கும்இருந்தவாகாணீரே மொய்குழலீர்! வந்துகாணீரே. 

38.0   திருமொழி -பாசுரம்   பாடல் # 16   பெரியாழ்வார்   திருமொழி  

விண்கொளமரர்கள் வேதனைதீர | முன் 
மண்கொள்வசுதேவர்தம் மகனாய் வந்து |
திண்கொளசுரரைத் தேயவளர்கின்றான் |
கண்கள்இருந்தவாகாணீரே கனவளையீர்! வந்துகாணீரே. 

39.0   திருமொழி -பாசுரம்   பாடல் # 17   பெரியாழ்வார்   திருமொழி  

பருவம்நிரம்பாமே பாரெல்லாம்உய்ய |
திருவின்வடிவொக்கும் தேவகிபெற்ற |
உருவுகரிய ஒளிமணிவண்ணன் |
புருவம்இருந்தவாகாணீரே பூண்முலையீர்! வந்துகாணீரே.

40.0   திருமொழி -பாசுரம்   பாடல் # 18   பெரியாழ்வார்   திருமொழி  

மண்ணும்மலையும் கடலும்உலகேழும் |
உண்ணுந்திறத்து மகிழ்ந்துண்ணும்பிள்ளைக்கு |
வண்ணமெழில்கொள் மகரக்குழையிவை |
திண்ணம்இருந்தவாகாணீரே சேயிழையீர்! வந்துகாணீரே. 

41.0   திருமொழி -பாசுரம்   பாடல் # 19   பெரியாழ்வார்   திருமொழி  

முற்றிலும்தூதையும் முன்கைம்மேல்பூவையும் |
சிற்றிலிழைத்துத் திரிதருவோர்களை |
பற்றிப்பறித்துக்கொண்டு ஓடும்பரமன்தன் |
நெற்றிஇருந்தவாகாணீரே நேரிழையீர்! வந்துகாணீரே.

Pages:    1    2  3  4  5  6  7  8  9  10  Next  Next 10

This page was last modified on Wed, 02 Jun 2021 19:18:06 -0500
          send corrections and suggestions to admin @ sivasiva.org